Angripen av illsint tiur

? Fuglen var utruleg aggressiv. Eg tok staven og ville jaga han, men fuglen tok berre staven i nebbet og reiv han frå meg, seier Hans Rambjør.

Det var på siste turen etter sauene til Sjur Vågseth at episoden skjedde, den 2. oktober. Rambjør gjekk bak for å sjekka at alle sauene var komNe med.

? Me byrja å koma ned mot brekkene frå Dyrebotnsfjellet, og var nesten nede ved dei gamle husa. Då flaug tiuren på meg første gongen. Han sleit staven frå meg, og eg måtte kasta sekken for fuglen var så pågåande, seier Rambjør.

Han fekk fuglen unna, plukka opp staven og sekken og gjekk vidare.

? Brått var den illsinte tiurender igjen. Han hoppa opp på sekken min, ikkje ein, men to gongar, seier Rambjør.

Stein Byrkjeland, naturforvaltar hjå Fylkesmannen i Hordaland, seier at tiuren er kjend for å vera aggressiv.

? Det er jo hormonelt betinga, og då er det jo mest naturleg at dei er aggressive om våren. Men generelt er dei vel kjend for å vera aggressive.  Rambjør er glad han hadde kamera i sekken den dagen, og syntest det var kjekt å få bilete av angrepet.

? Eg trudde aldri eg skulle oppleva noko slikt. Det var ganske ubehageleg, spesielt andre gongen. Fuglen hadde jo solid nebb og klør, seier Rambjør.