Åtte på sjukehus etter ulukke på Nordhordlandsbrua

? Dei åtte er sende med ambulanse til Haukeland Universitetssjukehus etter at to bilar har kollidert front mot front, opplyser skadestadsleiar Norvald Bergfjord ved Arna og Åsane lensmannskontor til Strilen på ulukkesstaden ved 19-tida.

Fleire personar vart sitjande fast i bilane etter den kraftige kollisjonen, og det tok tid å få dei laus. Bergfjord rekna med at brua var heilt stengt i alle høve i tre kvarter.

Luftambulansen vart tikalla, men i følgje skadestadsleiaren vart alle dei involverte frakta til sjukehus med ambulansebil. Det var tre personar i eine bilen og fem i den andre.

? Mer har hatt store styrkar på staden, både frå Bergen brannvesen, ambulansepersonell og politiet, opplyser Bergfjord.

Biletet over viser situasjonen på Rv 565 på Alverflaten like før klokka 20.00. Då var køen i ferd med å nærma seg sjølve Alversund. På E-39 og frå Seim er det også rapportert om store køar, også når klokka nærmar seg ni.

Ved 9-tida måndag melder sjukehuset at tilstanden for 18-åringen framleis er alvorleg, men stabil. Han ligg på intensivavdelinga.