Åtvarer mot falske telefonar

Kvinna kontakta så Norsk Brannvern Forening som seier at dei ikkje har noko med telefonane å gjera, men at dei ikkje har fått tak i dei som står bak dei falske telefonane.
Dagfinn Kalheim i Norsk Brannvern Forening seier til Strilen at dei kjenner til problemet, men at dei ikkje ringjer eller kontaktar private heimar på annan måte. Han fortel at dette visstnok handlar om sal av ulike produkt - mellom anna har det vore snakk om sal klistremerke. Ved eitt tilfelle han har høyrd om var det og ein person som kom på døra til ein person i Kristiansand, og gav seg ut frå å koma frå denne foreininga.
? Me verken sel eller tilrår produkt, me er produktnøytrale, seier Kalheim, som rår folk til ikkje å gje ut opplysningar om branntryggleik i huset til andre enn uniformerte tenestemenn frå kommunen.
Sigmund Erstad ved Radøy lensmannskontor seier at dei ikkje har fått melding om slike telefonar, men at folk generelt må vera varsame med å gje den typen opplysningar over telefon. Han trur det kan vera snakk om ein telefonseljar som vil koma i posisjon til å selja noko.