Auka gebyr, men uendra pris på middag

Frå administrasjonen var det føreslege å auka prisen på liten middagsprsjon med fem kroner til 52 kroner, ein auke på kring 10 prosent.For stor porsjon var det føreslege ein auke frå 54 til 57 kroner. Men eit samla formannskap sa nei til auke i middagsprisane, motsett av det Strilen kom i skade for å hevda i dagens papir-utgåve.
Henry Sæbø (86) er uansett nøgd med leveringa og seier at han btalar den prisen kommunen tek.

? Maten er god. Dei er flinke på kjøkkenet der ute på Manger, seier Sæbø.

? Folk kan jo kjøpa ferdige Fjordland-middagar billegare. Då vert det heimetenesta som kan få arbeidet med oppvarming, påpeika Jonny Sjursen (Frp). Han føreslo å frysa både matprisane og andre kommunale prisar, og dette støtta altså heile formannskapet.

Kraftig auke i gebyr
Radøy ser elles  ingen grunn til å ha lågare gebyr for byggjesaker enn naboane i Meland og Lindås. Dette fører til ein kraftig auke neste år. Eit klart fleirtal i formannskapet støttar at byggesaksgebyr aukar i snitt med 18 prosent. Berre Jonny Sjursen frå Frp er mot og vil behalda uendra satsar.

Som døme kan nemnast at ei meldingssak i dag kostar 2750 kroner i Radøy. Nytt gebyr vert 3250 kroner.

Gebyr etter delingslova aukar også kraftig, men ligg likevel under Lindås.

Kart- og delingsforretningar som i dag kostar 10.000 kroner, får eit saftig påslag på 6.000 kroner, ein auke på 60 prosent.

Dei dyraste tilfella aukar frå ei avgift på 23.000 til ei avgift på 31.000 kroner.