Austmarka kan frå kunstgras

Det er i dag ei grusbane i Austmarka, og det er denne som etter planen som skal få nytt dekke.
Det er Radøy/Manger fotballklubb som brukar bana, men denne klubben er ikkje eigar. Bana i Austmarka er det Radøy idrettslag som eig, tilliks med grasbana på Sletta. Radøy/Manger disponerer også ei kunstgrasbane på Manger, denne bana i Grønålen er det Manger idrettslag som eig.
Med i alt 27 lag ynskjer Radøy/Manger seg ytterlegare ei kunstgrasbane, slik at det vert meir treningstid på kunstgras.
? Radøy idrettslag har informert oss om dei planane dei har for ei kunstgrasbane i Austmarka, seier leiar i Radøy/ Manger FK Morgan Taule.
? Kapasiteten er sprengt på bana i Grønålen, og når i tillegg veit at det vil koma både ny skule og mange nye bustader i den sørlege delen av Radøy er det bruk for ei slik bane.
Kostnadsberekningar så langt viser at det vil kosta kring 6,5 millionar kroner å gjera grusbana om til ei kunstgrasbane. Av dette kan ein få kring tre millionar kroner i spelemidlar, medan resten må hentast frå andre finansieringskjelder.
? Radøy/Manger FK har gjeve melding om at me kan arbeida dugnad for å få dette til, og det skal ikkje skorta på dugnadsviljen, seier Taule.
? Men det er klart at det også må inn ekstern finansiering.
Morgan Taule reknar med at ein må få kommunen med skal det verta noko av prosjektet.
? Det må vera i kommunen si interesse å få til dette.
I tillegg til ei kunstgrasbane er det også tale om å få til eit garderobeanlegg ved bana i Austmarka. I dag er det ikkje ein gong toalett ved bana.
I samband med at kommunen no skal byggja ny Sæbø skule, har ein i Radøy Manger fotballklubb og Radøy idrettslag lufta tanken om at eit fyringsanlegg ved skulen kan få eit røyr ned til bana.
? Om ein skal ha vassboren varme ved skulen kan dette kombinerast med undervarme på bana. Men dette er berre på tankestadiet så langt, presiserer Morgan Taule.
I tillegg til grusbana i Austmarka, kunstgrasbana på Manger og grasbana på Sletta er det ytterlegare ei fotballbane på Radøy. Det er grasbana på Bø, som høyrer til Hordabø idrettslag.