Austrheim kan følgja Eikanger opp

Eikanger plussa laurdag på tre nye poeng med solide 7-0 over Trane. Dermed toppar Eikanger med 38 poeng, sju poeng framfor Austrheim, som i sin tur ligg seks poeng framfor Minde. Men Minde har ein kamp mindre spela.
? Dei laga eg fryktar mest, er Minde og Norheimsund. Skal ein først snakka om opprykk, er det klart at dagens Austrheim-stall består av litt mange eldre spelarar. Etterveksten frå juniornivå er ikkje særleg god, men me har eit bra gutelag. Skulle me gå opp, må me nok vurdera å skaffa oss ein breiare spelarstall. Men så langt er det noko me ikkje har tenkt så veldig mykje på, seier Tor Eivind Karlsen.
I 3. divisjon avd. 14 gjekk Radøy/Manger på eit kjempetap med 1-7 for svakt plasserte Ny-Krohnborg. Radøy-laget ligg likevel på 3. plass, men Trio hoppa opp på same poengsum etter å ha sjått Arna-Bjørnar 1-0.
I 4. divisjon har NBK heimekamp mot Vestsiden måndag 28. august, på Knarvik gras.