Båt brann opp i Nøtlevågen

Brannen oppstod i 20-tida, og augevitne melder om ein kraftig smell i byrjinga av brannen. Brannvesen og politi kom til etter kort tid, men då var båten alt overtend. Då Strilen reiste frå staden vel klokka 20.30 såg brannen ut til å vera under kontroll, men båten var fullstendig utbrend. Ein kunne sjå ei stor svart røyksky på lange avstandar i samband med hendinga. Etter det Strilen fekk opplyst av augevitne, skal ingen folk ha vore i eller ved båten då brannen oppstod. Ei seglskute i tre som låg tett ved den brennande cabincruisaren, såg ei stund ut til å vera i fare. Det tok så smått til å ryka frå denne. Men brannvesenet fekk sendt båten litt ut på vatnet, vekk frå skuta, slik at brannen ikkje skulle spreia seg. Brannvernet fekk hjelp til sløkkingsarbeidet av ein fritidsbåt i området.
Årsaka til brannen er naturleg nok framleis uklar. Aarnes seier dei håpar tekniske undersøkingar vil avklara dette.