Ber om meir hjelp til å rydda olje

? Eg trur ikkje det har kome noko særleg meir olje inn den siste tida, men med nær 500 øyar i kommunen, tek det tid å få full oversikt, seier Bjørnevoll.
? Eg trur ikkje det kjem inn så mykje meir olje no, men med nær 500 øyar i kommunen tek det tid å få oversikt over alle stader som er forureina, fortel Arild Bjørnevoll i Austrheim kommune.
Sidan Server-forliset har det stort sett vore mellom 10 og 15 mann i arbeid med oppryddinga i Austrheim. No er det trong for å auka ryddestaben til i alle fall 30 personar.

Stadig fleire funn
Eitt av dei siste større funna av olje er ved Nordre Storvardvika. Kystverket vurderte det til at berre her er det ryddejobb for 10 personar i to til tre veker. Også ved Kårøya, utanfor kurs- og fritidssenteret i Rongevær, er det trong for ein del mannskap. I tillegg kjem alle dei andre stadene med større eller mindre forureiningar, fortel Bjørnevoll.
I førre veke var det registrert færre enn 20 oljetilgrisa stader, medan ein no har kome opp i 25 posisjonar.
Det er også oppdaga oljeforureining i Åråsvågen. Strilen har og fått melding om observasjonar av daud sjøfugl.
? Det kjem mellom anna flytande inn ein del tangrestar som er tilgrisa av olje, seier Bjørnevoll.
Kommunen samarbeider med Kystverket og Interkommunalt Utval mot Akutt forureining (IUA) om ryddearbeidet. Alle frivillige som stiller opp vert utstyrte med personleg verneutstyr og klede etter behov