Bomkompromiss frå KrF

Pål Kårbø ser for seg at pengane kan brukast til utbetringar på vegen mellom Fosse og Odland, og då særleg til å utbetra den farlege flaskehalsen forbi Litlebergen. Kårbø er i dag den mest sannsynlege ordførarkandidaten for Meland KrF til hausten.I dag ligg det inne 70 millionar kroner i første fase av nordhordlandpakken til vegar i Meland. Med KrF sitt forslag kjem ein opp i 100 millionar. Samstundes har ein alt no redusert Radøy sin andel av pakken, ved å kutta strekningen Tolleshaug ? Soltveit ned til strekningen Marås ? Soltveit. 25 millionar kroner til gang og sykkelveg frå Sæbø skule til Kalneset er og teke ut av pakken. Til saman er det kutta over 100 millionar kroner til vegprosjekt som i utgangspunktet var planlegde på Radøy i fase 1 i Nordhordlandspakken. Dette for å medverka til å sleppa ein bomstasjon på grensa mellom Radøy og Lindås. Får Meland KrF gjennomslag for sitt forslag, betyr det mest truleg at det må kuttast 30 millionar til på dei planlagde Radøy-vegane.

- Det er ikkje kjekt å ta pengar frå andre, men skal dei unngå bom på Radøy må dei jo og ofra noko, seier Kårbø.

Radøy-ordførar Olav Steinar Namtvedt seier i ein kommentar at han er open for å drøfta alle innspel, berre det ikkje er snakk om ein bom på Radøy.