Bompengebodene truleg fjerna om ein månad

Det vil bli sett ut anbod på dei, der ulike entrepenørfirma vil kunne melda si interesse. Kven som får ansvaret for å ta dei vekk, veit ein altså ikkje enno.

 

- Bodene skal fjernast. Det er to organisasjonar som har bedt om å få overta dei, og då er det opp til entreprenøren å avgjerda kor dei skal flyttast, fastslår Skogland. Han fortel at vegvesenet ikkje har noko plass å lagra slike bygg, og dei vil heller ikkje ha bruk for dei gamle bodene.

 

- Det er ikkje noko nytt anlegg å plassera dei på. Eg trur ikkje dei hadde vorte brukt om det hadde vore ein plass heller, for dei er for gamle, seier han.

 

Det er no kome nye miljøkrav for slike boder, og desse vil nok ikkje vera tilfredstillande til dei krava.

 

Skogland kan ikkje seia noko om den nye fartsgrensa på staden, men han trur det vil bli same som grensa er over resten av brua, nemleg 70 km/t.

 

- Inntil bodane er fjerna, vil grensa vera 60 km/t. Dette fordi det framleis er innsnevra veg, seier han.