– Bot for ulovlege teiner

 Når det ikkje er rømmingsveg i tråd med reglane, er det snakk om miljøkriminalitet, seier Rolf Pedersen ved Nordhordland lensmannskontor.Han viste fredag Strilen fleire beslaglagte teiner som er tatt vare på i kjellaren på lensmannskontoret. Dei seinaste var eit beslag på 16 krabbeteiner som Kystvakten gjorde i Alverstraumen måndag kveld.

Må rekna med bot

– Etter reglane skal det vera minst 8 centimeter opning i begge endar på slike teiner. Då kan krabbar under minstemålet rømma, opplyser Pedersen.Han opplyser vidare at nokre av teinene dei fekk inn frå Kystvakten, var merka med namn. Eigaren har vorte kontakta og seier at han erkjenner tilhøvet.– Kva reaksjon kan det verta snakk om?– Ulovlege teiner vert inndregne og eigaren må rekna med ei bot. Kor stor den vert, tør eg ikkje seia no, seier Pedersen.

Naturvernforbundet tipsa

Naturvernforbudet i Nordhordland har og fått tips om ulovlege teiner. Det gjeld hummerteiner utanfor Fanebustsjøen ved Lindås.– Hummarteinene er så vidt me forstår beslaglagt av ein person som også anmelder tilhøvet, skriv Nordø i ein e-post til Strilen fredag morgon.Fungerande lensmann Kjell Idar Vangberg opplyste kort etter at han så langt ikkje kjende til noka anmelding i dette tilfellet. Men Vangberg stadfesta fleire lokale beslag av ulovlege teiner gjort av Kystvakten denne sommaren.

Meir i Strilen si papiravius laurdag.