Brå avgang for Radøy-rådmannen

Ingvard Haug stadfestar nyttårsafta overfor Strilen at han sluttar som rådmann i Radøy frå nyttår. Her er ordlyden Haug nytta i meldinga han gjekk ut med på torsdag:
"Eg vil med dette orientere dykk om at eg med verknad frå 1. januar trer ut som rådmann i kommunen, og byrjar frå same tidspunkt på deltidsstudie ved NHH.
Bakgrunnen for dette er usemjeom vidare vegval for kommunen, og at eg føler å ikkje inneha det handlingsrom og rammeføresetnader som eg meiner det er trong for i den vidare utvikling av kommunen.
Rådgjevar 1, Leif Taule, vil inntil vidare tre inn som fungerande rådmann.
Eg vil takke for den tida vi har vore saman, og for den innsatsen dykk alle har gjort. Samstundes vil eg ønskje dykk eit godt nytt år."
Ordførar Olav Steinar Namtvedt (Sp) viser også til langvarig usemje om det som vert kalla vidare utvikling av kommunen. Etter avtalen som vart godkjend av kommunestyret 1. desember, skal den økonomiske kompensasjonen haldast konfidensiell.
- Men den økomiske delen er grei og i tråd med tilsvarande avtalar i andre kommunar. Denne typen avtalar er som kjend ikkje heilt uvanleg, seier Namtvedt.