Brann i einebustad på Manger

? Politiet fekk melding om brannen kl. 05.11. Det er snakk om eit eldre murhus som for tida var utleigd. Etter opplysningane me har fått, var leigebuarane ikkje heime i natt, opplyser operasjonsleiar Per Stiegler ved Hordaland Politidistrikt til Strilen kl. 06.50.
Etter politiet sine opplysningar var brannen sløkt kl. 05.43.
Då Strilen kom til staden i 06.30-tida, kom det framleis røyk ut frå dei knuste vindaugo i huset. Finn Frantzen ved Radøy brannvern, som sjølv bur berre 100 meter frå huset, fortel at han fekk melding om brannen rundt klokka 05.00, og at han og brannmannskapa var på staden kort tid etter. Dei fekk raskt avklara at det ikkje var folk i huset. Det var veldig mykje røyk inne i huset, men dei såg ikkje så mykje flammar. Dei tok seg så inn og byrja å skøkkja. Frantzen visste ikkje noko om brannårsaka, men seier at det såg ut som om det brann mest i kjøkken- og loftsdelen av bygget.
Etter alt å døma er det så store skadar inne i huset at det må reknast som totalskadd. Huset skal vera bygt like etter 2. verdskrig.