Brekke skal få ferieby

? Får hotellet ei busslast med turistar, har me nok overnattingskapasitet. Med leilegheitene på plass vil me og kunna husa to-tre busslaster i tillegg, seier Kjell Mellingen i Knarvik.
Mellingen er medeigar i Brekkestranda Fjordhotell og dagleg leiar i Brekkestranda utbygging, som er stifta for å stå for utbygginga.
Det er særleg om sommaren og i julebordsesongen hotellet vil kunna ta imot fleire gjestar med 88 leilegheiter like ved.

Brekekstranda Park
? Satsinga skal styrkja hotellet, sjølv om me kom ut med eit godt resultat for 2005. Etter avtale legg me opp til at dei fleste leilegheitene kan leigast av hotellet når eigarane ikkje brukar dei, seier Mellingen.
Prosjektet har fått namnet Brekkestranda Park. Mellingen peikar på at leilegheitene får tilsvarande særprega stil som hotellet, blant anna med torv på taket.
Leikepark, minigolf og spa-anlegg inngår også i planane.

God respons
? Utgangspunktet er at alle leilegheitene vert like store, 65 rutemeter brutto inkludert terasse, opplyser Mellingen.
Den 21 mål store tomta ligg tett ved sjøen og like ved hotellet. Det vurderer eigarane av hotellet som to svært gode salsargument.
? Frå meklarar har me også fått signal om at dette er eit attraktivt prosjekt. Me rettar oss først og fremst mot kjøparar i Bergen og resten av Vestlandet, seier Mellingen.
Han seier at tilbakemeldinga frå Gulen kommune så langt er god.
? Planen er å starta opp med salet til hausten og kunna starta opp utbygginga til våren. Alle leilegheitene skal etter planen byggjast fortløpande i eitt steg, opplyser Mellingen.