CO2-fangst frå årsskiftet

– Dette er ein type anlegg som aldri har vorte bygd tidlegare. Arbeidsomfanget har vist seg å vera meir omfattade enn venta, og det er grunnen til forseinkinga, seier kommunikasjonssjef Vegar Stokset ved Teknologisenter Mongstad (TCM) til Strilen.

Teknisk Ukeblad skreiv nyleg at Aker Clean Carbo sitt reinsealegg har står ferdig sidan juli i år. «Men sidan det ikkje har kome på plass ei løysing for frakt av røykgass, kan det ikkje starta med testinga», skriv TU.

Må få fram gassI

I følgje Aker kan det gå ut over selskapet sine mulegheiter i kampen om internasjonale karbonfangst-kontraktar.

– Det presise er at sjølve Aker-anlegget var ferdig bygd i juli, men at det stod att ein omfattande overtakingsprosess og retting av feil og manglar. Aker skal også bestå ein ytelsestest før me kan starta ordinær drift. I det store biletet er TCM tre månader etter skjema i høve til å starta opp testinga. Det skjer i slutten av desember eller byrjinga av januar, seier Stokset.

Ut over dette vil han ikkje kommentera Teknisk Ukeblad sin artikkel.

Største i verda

– Testing av CO2-fangst skjer i mindre målestokk her i landet, men det anlegget me snart set i drift, vert det største testanlegget i verda, seier Stokset.

Franske Alstom sitt anlegg basert på ein annan teknologi, vert etter planen sett i drift til sommaren 2012. Ved full drift av testanlegget vil TCM ha kring 50 personar i arbeid.

– Testinga vil gå over 12-18 månader. Etter det kan det og verta aktuelt å sleppa andre aktørar til med ein tredje teknologi på ei ledig tomt på Mongsad. Men dette er det ikkje løyvd pengar til, seier Stokset.

Han vil ikkje peika ut nokon favoritt av Aker og Alstom.

– Ein teknologi kan visa seg god for til dømes å reinsa kolkraftverk, ein annan teknologi for andre anlegg som slepper ut CO2, seier Stokset.