Countrykonsert med overraskingsbryllaup

På plakaten stod det at konserten hadde ei overrasking, då Nordhordland Country Club baud til storfin konsert i Lindås kyrkje laurdag.
Og dei tok ikkje for sterkt i. Kyrkja var fullsett og vel så det, men det var berre dei på dei fyrste radane som visste kva som skulle hende når presten dukka opp i full prestekjole.

Møtte kvarandre
Linda Bjørly og Kristian Landro hadde treft kvarandre i countrymiljøet, og slik gjekk det til at dei gifta seg på countrykonsert. Og det var tydeleg at publikum sette pris på det uventa bryllaupet. Og ramma for konserten var vakker i Lindås-kyrkja.

Aase og Wolf
Programmet starta med Dan Mikal Frøystad på steelgitar. Dette var den tredje konserten hans i kyrkja på Lindås.
Etter vigselen var det fleire artistar, mellom andre Aase og Wolf.
Til sist kom sørlendingen Arly Karlsen, kjend som ??mannen med den store stemma??, og det var tydeleg at publikum sette pris på det dei fekk høyra.

Til kreftsjuke
Inntektene av konserten gjekk til kreftforeininga sitt arbeid med kreftsjuke born i Hordaland og Sogn og Fjordane.
Og til slutt kunne brureparet køyra inn i solnedgangen i eit ekte amerikansk dollarglis.