Demonstrasjon mot kraftverk-start

Viken sa at det er tre store hendingar i Statoil Mongstad si historie; avgjerda om etablering av raffineriet på 70-talet, utvidinga på 80-talet og no avgjerda om å byggja kraftvarmeverket. Med dette anlegget vil Statoil Mongstad verta blant dei beste raffineria i Europa, også når det gjeld energieffektivitet, sa Viken.
Utbygginga inneber også andre miljørelaterte prosjekt på raffineriet til ein verdi av ein milliard kroner. 
? Dessutan vil CO2-fangstanlegget setja Mongstad på kartet, ikkje berre i Noreg, men også utanfor Noreg sine grenser, sa Viken.

Klimaaksjonen mot gasskraftverk, hadde samla ein del demonstrantar på Mongstad rett før markeringa av anleggsstarten. I ei melding skriv dei at det er uakseptabelt at anleggsarbeidet startar opp, før miljørørsla sin klage er behandla av Stortinget.
? Regjeringa mistar alt truverd når den snakkar om at ein ny og betre klimaavtale skal avløysa Kyotoavtalen etter 2012, og samstundes vil auka norske klimagassutslepp med ein million tonn dei første åra ein slik avtale vil gjelda, seier Marte Mjøs Persen, nestleiar i Klimaaksjonen mot gasskraftverk.
Dei meiner og at avtalen mellom Statoil og regjeringa om etablering av eit CO2-fangstanlegg, lett kan omgjerast av ei ny regjering. Ein er altså langt frå sikker på at det kjem eit CO2-fangstanlegg i det heile, meiner aksjonen.