Dingjavegen opna

Ordførar Trude Brosvik, fylkesordførar Nils R. Sandal og leiar i vegnemnda, Leif Nyhammer, fekk i fellesskap æra av å skjera over snora då fylkesvegen mellom Sollibotn og Dingja vart opna i dag. Den 6,3 kilometer lange vegen vil korta ned reisetida mellom Dingja og Eivindvik med minst ein time.
Det hadde samla seg mykje folk til vegopninga, og både Brekke skulekorps og elevar frå Eivindvik skule underheldt.
? Der det er vilje, vert det veg, sa ordførar Trude Brosvik ved vegopninga.
Og vegen er eit skikkeleg spleiselag mellom kommune, fylkeskommune og næringsliv og enkeltpersonar i Gulen.
Fart i vegsaka vart det då Firda Management planla eit stort setjefiskanlegg i Dingja for nokre år sidan. Desse planane vart sidan skrinlagd, men då var vegplanane begynt å rulla.
Totalt har vegen kosta 21 millionar kroner, og Magne Hope AS har vore hovudentreprenør.
?Men me er ikkje ferdige med denne vegsaka før me har fått kabelferje til Hisarøy og, sa Brosvik.
Det pågår no forhandlingar med fylkeskommunen om finansiering av dette sambandet.