Dobbel promille på Risnes

Etter utforkjøringa søndag kveld henta dei to ein annan bil for å dra bilen oppatt.
? Eg er heilt rysta over at to vaksne karar ikkje har betre fornuft enn dette, seier lensmann Roar Brudevoll i Solund. Han fekk melding om ei utforkjøring, men ante ingenting om promillefaktoren før han kom til staden.
I følgje Brudevoll har politiet all grunn til å tru at begge karane var i bilen då ulukka skjedde.
Dei har også grunn til å tru at han som kjørte utfor, ikkje er den same som prøvde å dra bilen opp frå grøfta med ein annan bil.
? Dei har laga det så vanskeleg for seg sjølv som det går an, seier Brudevoll og legg til at begge førarkorta sjølvsagt er beslaglagde og at begge mennene vil bli sikta for promillekjøring.
Bilen var såpass utfor vegen at heile bilen var utfor asfalten, men det var ingen skader på bilen.