Dobbel promille

Det var natt til laurdag mannen hamna i grøfta to gonger før han kom seg på fest. Første gongen vegen vart for smal, var på Vollom. Men på fest skulle han, og stal seg difor like godt ein bil til å kjøra vidare med. Bilen, som han stal han på Litleskare, vart seinare funnen ståande på halv åtte på Hodnekvam.
? På det tidspunktet visste me ikkje kven som hadde kjørt bil nummer to i grøfta og kontakta eigaren for å høyra om alt var i orden. Men sidan eigaren låg og sov og ikkje visste nokon ting, forstod me at her var andre ting i gjære, seier politifullmektig Svein Fammestad ved Lindås og Meland lensmannskontor.
Han fortel at politiet sin luktesans førte dei til eit hus i nærleiken der det var fest og moro. Der møtte dei blant andre ein «kjenning» som hevda at hans bil også var stolen.
Men då politiet fann ut kven som eigde den første bilen som hamna i grøfta, fatta dei mistanke. Laurdag vart mannen frå festen henta inn til avhøyr som til slutt enda med tilståing.
Kor høg promille mannen hadde laurdagsnatta kan ikkje politiet seia eksakt, men at han hadde rikeleg var det ifølgje Fammestad ingen tvil om. Mannen kjem frå distriktet.