Dusør for bustadtomt

? Me vil helst bu i Rossland skulekrins, og aller helst nær sjøen, seier Angelskår.
Men ei slik tomt har vist seg vanskeleg å finna. Difor sette familien torsdag inn følgjande annonse i Strilen: «Dusør kr. 10.000,- for tips som fører til at barnefamilie på 6 på jakt etter tomt eller hus med nærhet til sjø, finner et sted å kjøpe! Helst strekn. Holme ? Fløksand ? Rossland».
? Dusøren går til den som tipsar oss om ei aktuell tomt, enten det er eigaren av tomta eller andre, seier ho.
Familien bur no i eit leigd hus med vakker sjøutsikt på Vikebø. Men no vil dei flytta inn i eige hus.
? Me har prøvd å finna ei passande tomt, og har mellom anna kontakta kommunen. Men me har ikkje funne noko så langt, seier ho.
Familien vurderte mellom anna Beitingen.
? Men med så mange born vert det litt langt frå buss, seier Inger Lise Angelskår til Strilen.
Mannen hennar kom etter kvart på ideen om å utlova dusør for å finna tomt.
? Det må jo vera nokon som har ei tomt, eventuelt noko som ikkje er lagt ut for sal enno, seier ho.
Tomta må ikkje nødvendigvis liggja heilt nede ved sjøen.
? Om eg ser sjøen, er eg nøgd. Men det hadde vore veldig fint å kunna ha båtfeste, seier Angelskår.
Men det er ikkje berre bustadtomt som kan utløysa dusøren.
? Eit hus kan og vera aktuelt. Men då bør det ha ein viss storleik eller vera mogleg å byggja på. Me er jo ein stor familie, seier ho.