Dykkarulukke på Mongstad

Det var under arbeid ved kaien til Mongstadbase at dykkaren fekk problem med lufttilførsla. Han var på om lag ti meres djup og dykka åleine. Men han hadde hjelpemannskap på overflata og fekk gjeve beskjed til dei, slik at han vart heist opp til overflata. Då var han medviten, men ganske medteken og vart send til Haukeland universitetssjukehus med ambulanse. Sjukehuset seier onsdag ettermiddag at den 31-årige mannen er i stadig betring og truleg vert utskriven i dag.

Uklart
Det er så langt ikkje klart kva som gjorde at han miste lufttilførsla, seier politibetjent Rolf Pedersen ved Lindås og Meland lensmannskontor til Strilen.
Politiet fekk melding om ulukka klokka 18.10.
Pedersen veit ikkje kor dykkaren er heimehøyrande.
Saka vert no etterforska av Arbeidstilsynet som ei arbeidsulukke.