Eitt poeng til Radøy/Manger

Radøy/Manger spela laurdag på heimebane mot Varegg. Dei låg under 2-0 i heile første omgang, men viste i andre omgang kven som høyrde heime på Sletta idrettsplass, og scora tre mål ved Christer Smith, Raymond Kviste og Jarle Sylta. ? Etter at me fekk redusert, fekk me løfta oss. Dette var ein god periode, i motsetnad til den heilt elendige første omgangen, seier oppmann i Radøy/Manger, Steinar Christensen.Etter 3-2 scoringa, datt Radøy/Manger heilt saman. Dei vart heilt overkøyrde. Fire minutt før slutt felte Andre Rebnord ein Varegg-spelar heilt på enden av sekstenmeteren, og det vart straffe til bortelaget. Straffen vart sett i nettmaskene, og kampen enda med poengfordeling.? Varegg var klart best i første omgang, men me burde ha vunne over dei. Det var bittert å få uavgjort sidan me har så lite poeng frå før, seier Steinar Christensen.På åtte kampar har Radøy/ Manger berre fått med seg fire poeng. Dårleg innsats, lite tenning og for lite agressivitet i kampane er grunnen, meiner Christensen. Vidare i sesongen, trur han at dei kjem til å halda seg i tredjedivisjon, ved å vera betre på hausten enn dei har vore fram til no.