Eitt steg nærare gasskraft

Meldinga om konsesjonen kom onsdag, og informasjonsleiar ved Statoil Mongstad, Kåre Næss, var strålande nøgd med avgjerda.
? Dette er ein gledens dag, og eit viktig steg på vegen for oss, seier Næss.
No håpar han at ei endeleg avgjerd kan verta fatta så snart som mogleg.
? Me har inngått ein del avtalar på førehand, som snart går ut på dato. Desse avtalane har me inngått slik at me kan komma i gang med bygginga så snart alt er godkjend, seier Næss.
? Me ser med spenning og forventning på avgjerda frå SFT, seier Næss.

Inga CO2-rensing
NVE påpeikar i konsesjonen at ulempa med bygging av eit slikt gasskraftverk ligg i auka CO2-utslepp.
? Anlegget vil medføra ei auke på omlag ein million tonn CO2-ekvivalenter per år. Det tilsvarar omlag 1,7 prosent av utsleppa i dag, melder NVE.
Dei vil ikkje gje vilkår om ei slik reinsing fordi det er knytta usikkerheit til om ei CO2-reinsing vil vera samfunnsøkonomisk lønnsamt for kraftvarmeverket på Mongstad aleine. Det vert istaden stilt krav om at det ved anlegget vert tilrettelagd for eventuell seinare CO2-handtering.

Gasskraftleidning
Kraftverket NVE gjev løyve til, er eit såkalla varmekraftverk, som  skal integrerast med raffineriet på Mongstad. Det vil kunne levera 280 MW elektrisitet og 350 MW termisk kraft. Samstundes vert det og gjeve konsesjon til å bygga ein gassrøyrleidning frå Kollsnes til Mongstad. Røyrleidninga vil berøra både Fedje, Austrheim, Lindås og Gulen, samt Øygarden.