Erlend Sellevold med soloalbum

Det er Bergens Tidende som melder dette. Den lokale musikaren har hatt stor suksess saman med Ralph Myerz, både i Noreg og i utlandet. Bandet kom nyleg tilbake frå fulle konsertar i Istanbul. No har altså tida kome for å prøva seg på eiga hand. Den nye CD-en får namnet «Ralphorama», og vert lansert rundt nyttårstider.
Sellevold fortel at den nye CD-en vert meir hiphopprega elektronika. Han har med seg rapparane Devin the Dude og Kurupt på det nye prosjektet. Sistnemnde har delteke på alle platene til Snoop Dog. Det er elles ikkje snakk om nokon pause for bandet Ralph Myerz. Sellevold seier til BT at dei har spelt saman lenge no, og at det difor er naturleg at dei også gjer andre ting ved sida av.