Etterlyser to samurai-sverd

Sverdet politibetjent Glenn Våge viser Strilen, er litt større enn dei to som er meldt stolne frå eit hus på Myking.
Våge vil helst ikkje tenkja tanken at nokon skulle vurdera å bruka sverda til noko anna enn pynt. Han stadfestar det alle kan begripa: Vert sverda slipte, kan dei vera forferdelege våpen.

Fingeravtrykk
? Me har sikra oss fingeravtrykk frå sverdet som stod att. Dei er sende til Kripos i Oslo for å sjekka om dei har avtrykket i sitt register. Det omfattar avtrykka til fleire tusen personar - dei fleste som er tatt for ulike typar brotsverk, seier Vaage.
Dei som jobbar med så sjekka fingeravtrykk, har vanlegvis mykje å gjera. Difor vil de ta ei tid før Lindås og Melan lensmannskontor får ei tilbakemelding.

Eigaren fortvilar
Vidar Totland på Myking er eigaren av dei to sverda som fortvilar.
? To  av dei små sverda i eit sett på tre er stolne. Dette er sverd som ein kan kjøpa lovleg via internett her til lands. For meg dreiar det seg om ei samleinteresse, seier Totland til Strilen. Totland har anmeldt tjuveriet til Lindås og Meland lensmannskontor. Det største sverdet, som stod att, leverte han inn for at det kunne takast fingeravtrykk.
? Tjuveriet må ha skjedd fredag 30. mars mellom kl. 10.00 og 17.00, seier Totland. Han og familien var litt for travle då dei forlet huset. Døra vart låst, men nøkkelen stod att den tida familien var borte.
? Då me kom tilbake, var dører inne i huset opne og avslørte at uvedkomande hadde vore inne. Men det var ikkje gjort skadeverk. Døra var låst att og nøkkelen stod i, seier Totland.
Han seier at det stod både datautstyr og stereoutstyr i huset som ikkje var rørt, bortsett frå ei minnebrikke, ein prosessor og eit dataspel for born.
? Ved lensmannskontoret meinte dei at dette ikkje kunne vera nokon som var ute på tjuveritokt. Då hadde både datautstyr og anna vorte stole, og det hadde høgst truleg vorte romstert rundt i huset, seier Rydland.
Han viser til at samuraisverd er noko enkelte samlar på og/eller brukar til pynt. Dei som har sett denne typen filmar, ser at sverda ofte står i sett på tre og tre, det største oppe og to mindre under.
? Frå meg er det dei to minste sverda på 50-60 centimeter som er stolne. Eg håpar å få dei tilbake, seier Totland.