Færre elevar i Meland

Alt frå neste år ligg det også an til at elevtalet er på veg opp igjen for heile kommunen, fortel konsulent Arnt Brakstad i Meland kommune. I kullet 2002 er det registrert 90 born i Meland. I tillegg er det venta tilflytting.
? Det brukar å skje ein del endringar i løpet av sommaren, så talet førsteklassingar kjem truleg til å auka noko, seier Brakstad.

Færre elevar
På Flatøy skule er det til no innskrive berre fire førsteklassingar som skal byrja til hausten. Det er færre enn på fleire år. Totalt går det 55 elevar på Flatøy skule.
Ved Grasdal skule er det innskrive seks komande 1. klassingar, noko som og er færre enn på lenge. Totalt på skulen er det i dag 76 elevar.
På Rossland skule er det 13 born som har skrive seg inn, også det litt lågare enn dei siste åra. Totalt går det 139 elevar på barneskulen på Rossland.
Ved Sagstad skule ligg det an til ein kraftig nedgang i talet 1. klassingar til hausten. Kullet i år er på 47 elevar, medan det er berre 32 som har skrive seg inn i år. Det betyr likevel at det må til to klassar ved skulen, noko ein må forventa i åra som kjem også. Det går i dag 260 elevar ved Sagstad skule.
Ved Vestbygd skule ser det ut til at elevtalet vert stabilt. Det er innskrive 24 1. klassingar til hausten, noko som er omlag som dei siste åra. Det er totalt 155 elevar ved skulen.