Fann pærebrann

Mattilsynet har funne den frykta plantesjukdomen pærebrann på bulkemispel i området rundt Austrheim og Hopland i Austrheim kommune. Difor kjem det no ei rekke restriksjonar og påbud.
? Me ønskjer at folk gjer seg kjend med korleis bulkemispel ser ut, og fjerner den om dei har slike planter i hagen, seier Beate Blytt i Mattilsynet i Nord-
hordland.
? Det er best å vera føre var, så mispelen må fjernast sjølv om den ikkje er sjuk.
Alle grunneigarar i Austrheim/ Hopland-området vert pålagd å starta fjerning av bulkemispel på mandag. Buskene må fjernast med rota.
? Om det er vanskeleg å få opp rota, kan ein og smøra den med ugrasmedel, så det ikkje veks opp at nye skot, fortel Odd Tøsdal i Mattilsynet.

Kan truga fruktdyrkinga
Pærebrann smittar lettast på mispel. Frykta er at den skal smitta over på eple- og pæretre. I verste fall kan det truga fruktdyrkinga på heile Vestlandet Det er dette Mattilsynet no vil hindra.
Ein av dei største smitteberarane er bier, som tek med seg bakteriar frå blomst til blomst. Det er no forbode å flytta bikubar inn og ut av Austrheim, Lindås, Radøy, Meland, Masfjorden og Gulen kommunar. Også fuglar kan bera med seg smitten når dei ét bær frå bulkemispel. Men ein stor smitte-spreiar er og folk som gjev vekk avleggarar. Bulkemispel har vore poulær både som hekk og leplante, så mange har skaffe seg nokre, gjerne utan å vita kve det eigentleg er. Men det er faktisk ulovleg å få avleggarar og å planta desse plantane.
Mattilsynet fører spesielt stor kontroll i juli og august. Då er blomstringa i full gang, og det er lettare å sjå sjukdomen. På sjuke plantar visnar blomane før dei har fått danna bær. I tillegg vil blader verta visne og brune, medan kvister kan bøya seg mot bakken.

Treng hjelp
Tøsdal seier at Mattilsynet er avhengig av at publikum hjelper til å stoppa spreiing av smitten, og ser etter og fjernar mispel. Mattilsynet har ikkje kapasitet til å saumfara Nordhordland.
? Det var ein spesialist frå Mattilsynet som opdaga smitten på Austrheim. Men då det var utbrot på Byrknes i fjor var det tips frå publikum som gjorde oss klar over smitten der, fortel Tøsdal.
Ein må óg vera merksam på at skjereutstyr, til dømes sager og greinsakser, óg kan vera smitteberarar. Desse må heller ikkje flyttast fra plass til plass. Men her forsvinn smittefaren når reiskapen er skikkeleg tørr etter bruk.
Om du ikkje har høve til sjølv å fjerna bulkmispel, eller har mistanke om smitte, kan du ta kontakt med Mattilsynet på telefon 06040.