Fann usikra dynamitt på Mongstad

? Eg måtte ikkje gjennom noko slags sperring, seier mannen som kom over dynamitten til bt.no.
Det var fredag han gjekk rett på dynamitten, som han seier låg lett synleg.
? Dette er skummelt. Folk som var på jakt etter dynamitt og kika rundt på byggjeplassar, kunne gått rett på kassane, seier mannen til bt.no. Politiet hadde ikkje kjennskap til saka då avisa tok kontakt laurdag kveld. Ei patrulje som vart sendt til staden, fann kassane litt før kl. 23.00 om kvelden.
? Me har tatt kontakt med kvalifisert personell for å hjelpa oss å ta vare på dynamitten. Så vil me oppretta ei sak. Det er alvorleg å leggja frå seg så store mengder med sprengstoff og tennarar. Her gjeld spesielle reglar, seier operasjonsleiar Ragnar Lyssand ved Hordaland politidistrikt.