Fantastiske hekser gav Haugen nytt liv

−    Med regien til Leif Egil Vatnøy har Lindås fått ein ny teaterinstruktør.  Eg vart heilt tatt på senga. Det er berre heilt fantastisk kva dei har fått til og kva arbeid som er lagt ned, seier teatersjefen ved Hordaland Teater.
−    Arvid Ones, opphaveleg lindåsing, er nærmast ustoppeleg med supperlativ etter Which Witch i nynorsk versjon på Håkonshaugen torsdag kveld og natt til fredag.
−    ? Skulle eg ha noko å utsetja på, måtte det vera veret! seier Arvid Ones.

−    Uansett ver!
−   
Og veret var naturleg nok eit av dei store spenningsmomenta då mediafolk og andre la kursen mot Håkonshaugen torsdag kveld. Klokka 21.00 sette det inn med striregn. Var det ei bye som var over til premierestart ein time seinare?
−    Men gjorde det eigentleg noko? Folk som stega målbevist i retning Haugen hadde kledd seg for regn. Nokre med paraply. Vaktar peika og dirigerte. Bussar var på veg.
−    Køen vaks fort. Like over klokka ni opna bommen. Etter kvart kleddest skråninga og amfiet nærmast scena av kring 1000 menneske. Forventningane låg i lufta. Kanskje var det avdi mange let seg imponera at ei velkomponert scene?
−   
−    Humør
−    Ikkje berre ordførar Tove Linnea Brandvik og hennar gjest frå Bergen, Hermann Friele, smilte. Det gjorde andre ordførarar og mange, mange andre.
−    Ein kort og sakleg velkomst frå seimaren Birger Tomasgård fekk og smilet fram. For publikum fekk ? naturleg nok ? ikkje lov til å bruka paraply!
−    Musikken var i gang. Me kjende tonanene til Benedicte Adrian og Ingrid Bjørnov, første gong framført i Grieghallen for 20 år sidan.
−    Ein velkjend vestlendig, Bjørn Jensen, var blant dei første me kunne festa blikket på. Han har tru det eller ei aldri spelt i ein musikal før. Men humringa bakover benkeradene avslørte i løpet av sekund at han og dei andre aktørane hadde tatt grepet. Elisabeth Moberg var og blant dei som fort tog grepet på publikum med glimt i auga. Seinare kunne me smila av lokale Preben Hodneland som lettlurt fangevaktaren som let seg skjenka sanselaus.

Elskov og hekseri
−    Så inntok dei scena, gjesteaktørane med dei største rollene, Jorunn Torsheim som Maria Vittoria, Ståle Ytterli som biskop Daniel, Rein Alexander som Anton Fugger, Magne Fremmerlid som kardinalen.
−    Lokale Linda Fosse imponerte, naturleg nok ein av dei som nynorsken fall lett for.
−    Me vart tatt tilbake til dei grufulle åra då elskov og lyster kunne vera svært så risikabelt, til tider i Europa då hekser vart brent på bålet.
−   
−    Beste oppsetjinga
−    Publikum storkoste seg trass striregn under delar av framsyninga. Reaksjonane Strilen fanga opp blant publikum var eintydige: ? Ei fantastisk oppsetjing. Blant anna produsent Olav Kåre Vatnøy og broren Roald mottok mange gratulasjonar frå publikum frå veg ut etter at premieren var slutt om lag kl. 00.40.
Blant aktørane Strilen snakka med var Rein Alexander, som var tydeleg fornøgd med framsyninga. Det same var Ole A. Sørli, som har laga originalopsetjinga minus musikken. Hans dom var klar:
−    Dette er den beste oppsetjinga av Which Witch etter London. Og det fungerte svært så god med nynorsk. Her er det lagt ned ein kjempeinnsats frå lokalt hald. Og publikum er kanskje ikkje heilt klar over kva prestasjonar dei har fått med seg, sa Sørli.
−   
Må koma meir
−    Håkonshaugen er ein utruleg god arena for slike oppsetjingar. Så eg håpar berre politikarane i regionen ser si besøkelsestid og medverkar til at det kjem nye oppsetjingar, seier teatersjef Arvid Ones.
−    Ones seier at Hordaland Teater bidrog med hjelp, men berre i liten grad. Han håpar teateret i større grad kan hjelpa til seinare.
−    Sjå også eiga sak med Strilen si anmelding v/Livar Aksnes.