Fedje-ferja ute or drift, Jondal inn frå fredag ettermiddag

? Første turen skal gå frå Fedje. Det er der det har hopa seg opp ein del bilar som ventar på å koma over. Siste meldinga er at Jondal skal vera på plass ved 15.30-tida, opplyser trafikkansvarleg Lars Juvik i HSD til Strilen ved 13.30-tida fredag.
Etter det Strilen får opplyst, var det ingen dramatikk knytt til grunnstøytinga, som skjedde i hovudhamna like ved ferjekaien ved 17.00-tida torsdag ettermiddag.
? Den informasjonen eg har motteke, seier at mannskapet misste krafta på propellen. Det førte i sin tur til ein mindre grunnberøring. Så langt er det ikkje funne nokon alvorleg skade, men dykkar skal vera rekvirert, opplyser informasjonssjef Arild Sondre Sekse i HSD til Strilen ved 20.30-tida.
Sekse seier vidare at uhellet rutinemessig er rapportert inn til Sjøfartsdirektoratet.
? Selskapet beklagar sjølvsagt dei ulemper dette fører til for passasjerane. Det eg kan seia no, er me må undersøkja nærare kva som årsaka uhellet før ferja vert sett innatt i rute. Dette kan difor tidlegast skje i løpet av fredag, seier Sekse torsdag kveld.
Fredag føremiddag er ferja Jondal på veg frå Bjørnefjorden for å avhjelpa ferjemangelen i sambandet Sævrøy-Fedje. Jondal vert tatt ut or sambandet Halhjem-Våge, opplyser assisterande direktør Bent Martini i HSD Sjø.
Martini seier at det er dataproblem som må utbetrast på Fedjefjord. Etter planen vil ferja gå til Steinestø og fagfolk frå Bergen skal omnbord for å prøva å finna feilen.
? Fedjefjord hadde ei mindre grunnberøring midtskips. Etter reglane må dykkar ned og sjekka. Det er gjort, utan at det ert påvist skadar, seier Martini.
HSD har fredag omdirigert Jondal frå sambandet Halhjem-Våge.
Jondal har kapasitet til å ta 35 bilar, litt mindre enn Fedjefjord som tek 42 bilar.
? Fedjefjord ligg no i Sævrøy, og me er i gang med finna ut av dei tekniske problema. Jondal vil gå i ruta så lenge som nødvendig, seier Lars Juvik i HSD. han ser ikkje bort frå at det kan ta eit par dagar før Fedjefjord er tilbake att i rute.