Fekk Helsearbeidarprisen

Det er første gong denne prisen vert delt ut. Ingrid Nielsen er fysioterapeut og har arbeidd i kommunen i snart 20 år.

– Hennar optimistiske, omsorgsfulle og grundige behandling av pasientar både i Gulen og Masfjorden har vore av avgjerande verdi for at dei har kunna koma seg tilbake til arbeid og kvardag, sa kommunelege Rolf Tande (bilde), då han delte ut prisen i helsehuset på Hosteland.

Prisen var eit sølvhjarte og ein blomebukett. Avgått ordførar Håkon Matre vart på same tilstelling tildelt kommunen sin folkehelsearbeidarpris. Den får han mellom anna fordi han har vist vilje og evne til samarbeid med fagpersonar, og fordi han har klart å samla politikarane i kommunen til innsats for godt oppvekstmiljø og eit godt helse- og omsorgstilbod i kommunen.

Han har også som leiar i Regionrådet på ein særeigen og truverdig måte vist vegen inn i samhandlingsreforma, heiter det i grunngjevinga.Denne prisen er og eit sølvhjarte og ein blomebukett.