Fekk horngjel ved Holmengrå

? Kva kan dette vera, spør Kim André Hope, som torsdag var innom Strilen med eit bilete av ein fisk som han dagen før drog opp av Fensfjorden.

? Aldri sett før
Den sytti centimeter lange fisken hadde lete seg lokka til å bita på ein av makkane som Hope hadde hengt på fiskesnøret sitt.
? Elles fekk me ein del torsk og pale. Men noko slikt som dette har eg aldri sett før, seier austrheimingen.

Ikkje i panna
Fisken hamna i frysaren, men Hope har ingen planar om å bruka fisken til middagsmat. Det er det også få andre som gjer, etter det driftsansvarleg ved Akvariet i Bergen Torgeir Kaarbø opplyser.
? Fisken karen har fått er ein Horngjel (latinsk Belone belone). Det er ein god matfisk, men vert ofte ikkje ete av di knoklane er grøne av fargestoffet vivianitt, seier Kaarbø.
Fargestoffet er eit ufarleg jernsulfat, og det er ikkje farleg å bruka horngjelen til middagsmat.

Temmeleg vanleg
Kaarbø fortel vidare at horngjelen er ein pelagisk art som sym i stim i dei øvre vannlaga.
? Den kjem til kysten litt før makrellen, og kan vel karakteriserast som ein ganske vanlig art i våre farvatn, seier Kaarbø ved Akvariet i Bergen.