Fekk straumen att onsdag kveld

? Naboane er eineståande. Det hjelper med mat og kaffi, så eg tar det med ro. Men eg håpar trygghetsalarmen virkar om eg treng hjelp, seier Helga Haukeland til Strilen ved 14.30-tida onsdag ettermiddag.
Tilbake i Knarvik får Strilen denne meldinga i det streikande i EL og IT-forbundet:
Søknaden om dispensasjon som dei sende tysdag, vart onsdag ved 15.30-tida innvilga av abeidsgjevarsida representert ved Energibedriftenes Landsforening (EML).
Dermed tyder alt på at BKK sin beredskapstropp kunne rykkja ut og ordna feilen som råka Helga Haukeland og kring ti andre husstandar. Området som vart råka, var på nordre Haukeland og Storheim. Som opplyst i tysdagavisa vart dei utan straum ved 12.15-tida måndag då ein lastebil sleit ned ei høgspentlinje.
Same kveld kom både Helga Haukeland og fleire av naboane på begge dei riksdekkjande TV-kanalane. Haukeland har også hatt besøk av BA. Alle sette fokus på dei som var råka av streiken i EL og IT-forbundet.
? Tysdag var eg ute og undersøkte tilhøva både hjå både Haukeland og andre eldre i området, opplyser tillitsvald Svein Danielsen hjå BKK sine streikande arbeidarar. Etter det søkte dei streikande om dispensasjon, faktisk før dei hadde fått ein formell søknad om dette.
? Situasjonen for dei eldre utan straum vert også følgd opp av heimetenesta i kommunen, opplyste fungerande rådmann Bjørg Johnsen til Strilen i går.
Utover dagen i går tok det tid før dispensasjonen på Radøy vart gjeven. Dei BKK-tillitsvalde uttrykte mistankar om at arbeidsgjevarsida ville bruka den mediefokuserte saka på Radøy til å pressa fram tungen lønsnemnd.
Men så kom altså dispensajonen. I IT og EL-forbundet fekk Strilen opplyst at utbetringa på Radøy vil verta prioritert å få utbetra onsdag kveld, etter at det vart gjeve dispensasjon ut frå fare for liv og helse.
Helga Haukeland seier at ho har tatt ståket med ro. Men ho er glad for å ha snille naboar. Enkelte har også tatt vare på mat ho hadde i frysen. Men noko har ho berre måtta kasta. Feilen vart retta og straumen var tilbake onsdag kveld.