Fengsel for innbrot

Mannen er i Nordhordland tingrett mellom anna dømd for innbrot i Hundvingrend bedehus, huset til Seim Skyttarlag i Kjevikdalen og NGIR sitt kontor der. Han har også stole ting i Lindås Senter. I alle tilfella var han på jakt etter pengar eller verdigjenstandar for å skaffa pengar til å kjøpa narkotika.

Han har også gjort innbrot i verksemder og bilar i Bergen.

I november i fjor køyrde han ein personbil utfor vegen i Storheimskrysset på Radøy, slik at bilen vart liggjande på taket. Dette skjedde i rusa tilstand. Mannen er også teken med narkotika på seg. Mannen er tidlegare straffa, men hadde vore rusfri i ti år då han fekk ein dom i Stavanger i fjor. Den dommen hadde han var berre delvis sona, og no må han altså sitja ti månader i fengsel for den førre dommen og denne. Han må også betla ei bot på 3000 kroner og 6000 kroner i erstatning til Seim Skyttarlag.

Vidare misser han retten til å ha førarkort i 30 månader.