Fengsel for vald mot sambuar

Mannen, som er i trettiåra, vedgjekk i retten at han hadde slått kvinna ti til femten gonger. Men Nordhordland tingrett legg til grunn forklaringar frå kvinna, og finn det bevist at valden har funne stad i større grad og omfang.
Valdsepisodane held fram også etter at dei to flytta frå kvarandre, og mannen er dømt for å ha knust ei rute hjå henne og vore trugande mot henne etter at det var slutt mellom dei to.
? Retten ser alvorleg på det trussel- og valdsbildet som tiltalte har skapt for den fornærma, heiter det i dommen frå tingretten.
Det heiter vidare at valden har funne stad i kvinna sin eigen bustad, ein stad der ho har hatt trong for å kjenna seg trygg.
I tillegg til fengselsstraffa er mannen dømt til å betala kvinna 40.000 i oppreisningserstatning, og ei bot til Staten på 25.000 kroner.
Mannen må også klara seg utan førarkort i tjue månader etter at han kjørte i fylla.