Ferja gjekk på kaien i Skipavik

Så langt ser det ut som at uhellet skuldast ein teknisk svikt med ferja. Dette er basert på administrasjonen i HSD sine samtalar med ferjemannskapet.
? Me vil ha ein skyssbåt på plass for å frakta passasjerar om eit kvarters tid, sa Sekse klokka 10.25 i dag.
Det vart på ettermiddagen tysdag sett inn ei anna ferje i sambandet Leirvåg-Sløvåg, men til Skipavik gjekk det ikkje ferje.
? Det kan sjå ut som om ferjekaien i Skipavik har fått skadar, opplyser Sekse. Dei hadde ikkje fått oversikt om ferja kunne gå inn att i trafikk, eller om dei må setja inn ei anna ferje.
Det var seks bilar og 13 passasjerar ombord, i tillegg til eit mannskap på sju, då uhellet skjedde. Ifølgje Sekse vart ingen av desse skadde i kollisjonen, og det var heller ingen skadar på bilar ombord.
Så lenge det ikkje går ferje til Skipavik er det ikkje mogleg å koma til fastlandet med bil for dei som bur i ytre Gulen.