Fiksar opp skuleplassen

? Skuleplassen har vore meir eller mindre uendra sidan eg sjølv gjekk på skulen her, seier ein av dugnadssjefane Gunn Hosøy frå Foreldresamarbeidsutvalet.
På grunn av årevis med diskusjonar om kvar barneskulen i Knarvik skal liggja, har ein utsett og utsett å gjera noko med uteareala til borna. No vil dei ikkje venta lenger.
Dei skal laga ein forballplass vest på området. Så skal dei planta eit tuntre midt på plassen, og plassera benkar rundt. Elles var dei i gang med skogrydding og anna på laurdag. Ein stor sandkasse var også flytta.
? Me håpar veldig å få ein ballbinge hit også, seier Knut Espetvedt, ein annan av dugnadsleiarane.
Det dei var i gang med laurdag var første del av opprustinga av plassen. Det er det dei har pengar til no. Ein arkitekt har teikna opp korleis uteområdet skal sjå ut i framtida. I del to av opprustingsplanen kjem fleire leikeapparat, klatrestativ og liknande.