Fire kokkar og lite søl

? Dei jobba systematisk og konsentrert, seier Ingebjørg Øvergaard  om dei fire elevane som utgjorde Sandnes skule sitt kokkelag i sjømatkonkurransen, som vart arrangert i Bergen.

Fisk og sjømat
Arrangør var Fiskeriforum Vest og Eksportutvalet for fisk.
Elevar frå mange skular i Hordaland deltok i konkurransen, og tre skular var plukka ut til finalen i Bergen.
Der konkurrerte Sandnes skule mot elevar frå Rothaugen skole og St. Paul skole i Bergen om å laga den mest velsmakande og fargerike retten av fisk og anna sjømat.

God tid
Kvart lag hadde 45 minutt på seg til å gjera retten ferdig, og Øvergaard, som hadde elevane i heimkunnskap i fjor, då dei melde seg på konkurransen, fortel at elevane frå Sandnes var ferdige i god tid.
? Dommarane sa et det var ein svært jamn konkurranse, fortel Øvergaard.
Laget frå Rothaugen stakk av med førstepremien, ei overnatting på Akvariet i Bergen. Elevane frå Masfjorden vart nummer to og fekk diplom, kokebøker og kjøkkenforkle.
Fire elevar var plukka ut til å vera kokkar, medan resten av klassen var med som heiagjeng.

Profesjonelt
? Eg er imponert over arrangementet. Det var svært profesjonelt gjennomført, akkurat som det var vanlege kokkar som skulle i elden, seier Øvergaard.
Ho kan elles fortelja at heile klassen på Sandnes et fisk.
? Og så likar dei å konkurrera, og eg tykkjer det er kjekt at dei er med på noko der dei vert vurderte av andre enn læraren sin, seier Øvergaard.