Fjordline-aksjar ikkje nulla

Årsaka er at det ikkje vart noko av at færøyiske Smyril Line skulle tok over som hovudaksjonær i Fjord Line. I staden vart det KS Nordsjøferger og KS Bergensfjord som kjøpte aksjepostane til TFDS og Fjord1, og dermed vert nye hovudeigarar. Der var ei ekstraordinær generalforsamling i Fjord Line fredag. Der vart det og vald nytt styre i selskapet. Desse er Peter Frølich (leiar), Reidar Lien, Eivind Lunde, Bjarne Brynning og Atle Tornes. Frå dei tilsette sit Kristi Hilleren og Frode Birkeland.

Aksjane nedskrivne

Til Bergens Tidende seier den nye styreleiaren, Peter Frølich, følgjande:

? Det vil verken vera forretningsmessig klokt eller etisk rett å skuva ut dei mange lokale aksjonærane i Fjord Line. Mesteparten er folk med bakgrunn i lokalmiljøet rundt BNR. Eg kan ikkje sjå at selskapet sine interesser er tent med at ein behandlar aksjonærane slik Staten gjorde under bankkrisa der alle tapte sine bankaksjar. Det var rett og slett eit landevegsrøveri.

I ei melding frå Fjord Line går det fram at aksjeverdien på noverande aksjar vil verta delvis nedskrivne. Men dei vert altså ikkje nulla ut.

? Ei mykje betre løysing

Bjarne Storheim frå Radøy låg an til å tapa over 100.000 kroner ut frå aksjekursen i september, dersom aksjane i Fjord Line hadde vorte nulla ut. Det er om lag 3000 småaksjonærar i Fjord Line, mange av desse frå Nordhordland.

? Dette er ei mykje betre løysing enn med Smyril Line, seier Storheim, som sjølv var på generalforsamlinga fredag. Han fortel at det der var mykje folk og stemninga var god. På generalforsamlinga var eigarane av nesten 92 prosent av aksjane representerte.

? Dei nye eigarane er frå fylket, og eg har inntrykk av at dei både har pengar og vilje til å satsa vidare på Fjord Line, seier Storheim.

Han seier at styret om kort tid tek stilling til kor mykje aksjeverdien vert nedskriven.