Flagget til topps på Fedje

? Dette var eit skikkeleg lysglimt på ein grå dag, seier rådmann Vidar Bråthen til Strilen.

Det nye framlegget til statsbudsjett som den raudgrøne regjeringa la fram torsdag, viser at Fedje får 2,2 millionar kroner meir i statlege overføringar enn det som låg inne i Bondevik-regjeringa sitt framlegg. Den viktigaste grunnen er at øy-kommunen i vest får auka regionalskot på 1,5 millionar kroner. I tillegg kjem auke i innbyggjartilskotet.

? Budsjettet er ein gest til små distriktskommunar som oss, seier Bråthen.

Lettare

Bråthen kan her og no ikkje seia kva ein får råd til neste år med dei ekstra millionane.

? Fomannskapet skal drøfta budsjettet neste veke, og det er klart at dette gjer det kjekkare å vera lokalpolitikar, seier han.

Han understrekar at no må kommunen bruka pengane på ein slik måte at det er i tråd med regjeringa sin intensjon bak auken.

Meir til alle

Alle kommunar i landet får tilført meir pengar enn i framlegget frå Bondevik-regjeringa. Samla er det snakk om ein auke på 3,2 milliardar kroner.

Auken for kommunane her i distriktet er slik: