Flaumskadar for over ein million

I alt vart det registrert 16 naturskadar frå dei store flaumane i september og november 2005. Det var skade både på bruer, vegar og dyrka mark.
No er lensmann Ivar Holmaas ferdig med takstane av desse skadane, og konklusjonen er då at skadane samla kjem opp i over ein million kroner.
? Takstane varierer frå i underkant av 20.000 kroner til 160.000 kroner, fortel Holmaas.

Elvane verst
Av dei innrapporterte skadane utgjer takstane for fem av dei over 100.000 kroner.
? Alle desse gjeld elvar som har gått over breiddene sine, og som det vert ganske dyrt å førebyggja for å hindra framtidige skadar, seier lensmannen.
Dette gjeld mellom anna på Kjetland i indre Haugsdal og på indre Hope.
I ei av sakene er det ikkje halde skjøn for der er lensmannen ugild, men Holmaas reknar med at det der dreiar seg om skadar for 50.000 til 100.000 kroner.

Ikkje tun
Skadane det her er snakk om, er dei som kjem inn under ordninga for naturskadeerstatning. Skadar på våningshus og tun vert dekka av den vanlege forsikringa og er ikkje med i desse tala. Utbetringar som den som er planlagt på indre Hope, med å utvida utløpet frå vatnet der, er heller ikkje med i desse tala.