Fleirbrukshall heit potet

Trass i at saka berre var oppe som ei melding i kommunestyret torsdag, spratt den eine etter den andre representanten opp på talarstolen for å ta ordet om den planlagde fleirbrukshallen i Sløvåg.
Bakgrunnen er at arbeidsgruppa som arbeider for å realisera hallen, går inn for at kommnunen skal gå inn med 25 millionar kroner i investeringar i hallen, og i tillegg setja av 25 millionar kroner til drifta dei neste 40 åra. Dette er pengar som kommunen skal få for å ta mot depotet for lågradioaktivt avfall i Sløvåg. Hallane for dette anlegget er dei alt begynt å byggja.

Setja foten ned
? No er det på tida at politikarane presiserer kor mykje pengar det er aktuelt for kommunen å gå inn med i dette prosjektet, sa Dagfinn Midtun (V).
Han meinte dette er summar som det aldri har vore snakk om tidlegare i samband med dette prosjektet.
? Her er noko som ikkje har vore sagt tidlegare, sa han.

Nye pengar
Ivar Eide (H) på si side påpeika at inntektene frå LRA-deponiet er pengar som kommunen ikkje har teke inn i sine budsjett. Saman med momskompenasjonen som kommunen vil fpå i samband emd bygginga meinte han det ikkje var urimleg å bruka så mykje pengar på hallen.
Han meinte og det var snakk om eit tiltak som kan få nye innbyggjarar til kommunen.

Låna pengar
Ingvar Breidvik (Sp) påpeika at LRA-pengane vil ein få etter kvart, medan pengane til å byggja hallen må ein i ein eingong. Difor vert det snakk om å låna pengar.
? Og trur det at Fylkessmannen vil gå med på dette etter at han nett har hjelpt oss opp av hengemyra? spurde Breidvik.

Diskutera
? Denne saka skal ikkje avgjewrast i dag. La oss no setja oss ned og diskutera saka med arbedisgruppa og sjå kva me kan koma fram til? roa ordførar Trude Brosvik (KrF) medrepresentantane. Også Arve Mjømen (H) meinte det var mykje rundt finansieringa av hallenb som  ikkje er klartlagt.
Det kan synast som innstillinga til fleirbrukshallen i Sløvåg vert meir og meir lunken etter kor langt frå hallen representantane bur. I alle fall vert dette truleg ei vanskelge sak for poltikarane i Gulen å ta avgjerd i.

Fleirburkshallen i Sløvåg er inspirert av eit likande anlegg som alt er i drift i Os. dette kosat 50 millionar kroner, men summar heilt opp i 80 millionar har vore på tale i Sløvåg. Både næringslivet i Sløvåg og laga og organisdasjonar både i Gulen og masfjorden er engasjerte i å få hallen bygd