Fleire politimenn ute gav fleire politisaker

? Prosjektet medførte at me registrerte fleire valdssaker, og tok fleire for forstyrring av alminneleg ro og orden, seier lensmann i Lindås og Meland Einar Vatne.
Fleire politifolk var ute på kveld og nattetid, og det viste seg at det var nok å ta tak i.
? Politimenna vart vitne til ein god del. Mange valdssaker vart melde, og 75 personar fekk bøter for ordensforstyrring,
I ein periode var også Shell-stasjonen i Knarvik stengt om natta.
? Me er nøgde med at dei innførte nattestenging ei tid, for då viste dei at vald ikkje kan aksepterast, seier lensmannen.
Vatne la torsdag fram tal for kriminaliteten i ytre Nordhordland, saman med lensmann i Radøy Kjell Idar Vangberg og lensmann i Austrheim og Fedje Roar Tofting.

Etter stengetid
? Men framleis er det folk som brukar vald, seier lensmann Vatne, og legg til at det ofte er rett etter stengetid at desse situasjonane oppstår.
Når folk ventar på drosje eller på folk som skal skyssa dei heim, og i tillegg er påverka av alkohol, er det lettare for at ein valdssituasjon skal oppstå. Dette gjeld også dei som vert offer for vald.
? Det som vert drukke etter klokka eitt om natta vert for dei fleste for mykje. Når dei har fylt på med x antal halvliterar og så kjem heim med nattbussen klokka tre eller halv fire om natta, er det mange som kjem opp i trøbbel, seier Vatne.
Bergenspolitiet må på si side slita med fulle strilar som lagar bråk i bygatene.
? Statistikken viser at politiet i Bergen har hatt mykje trøbbel med strilar, seier Vatne.

Harmonisera skjenketider
Dei tre lensmenna ynskjer seg like skjenketider i Bergen og Nordhordland. I dag stenger kranane mykje seinare i Bergen, noko som fører til at folk reiser innover til bydn på sein kveldstid.
? Det er tull å reisa til Bergen klokka 23.00 om kvelden, seier Vatne.
Politiet har i 2006 hatt politifolk på bussar innover til Bergen, og fleire vart bøtelagde for drikking på bussen. Tide har på si side nekta folk å ta med øl inn på bussen, for å hindra at rutebussen vert «vorspielplass».
? Bergen skulle gjort som Nordhordland, og stengt kranane tidlegare, seier lensmann i Austrheim og Fedje Roar Tofting.