Folkehøgskulen får fleire elevar

Manger folkehøgskule har som kjent fått kraftige kutt i tilskota frå Hordaland Fylkeskommune. Tilskota er trappa ned frå 2,3 millionar kroner i 2004 til 1,3 millionar kroner i 2005. Tilskotet skal ytterlegare halverast i 2006. Rydland seier dei skal klara å få rekneskapen i år i balanse. Det klarar dei gjennom å kutta i underkant av eit årsverk og å gjera ting på ein annan måte. Motedesignlinja er nedlagt, men dei har i staden oppretta ei linje for folkedans.

? Kva skjer etter 2006?
? Det veit me ikkje. Vedtaket i fylkeskommunen gjeld berre til og med neste år. Men me har i alle fall god tid på oss, sidan me lenge har visst kva me får i 2006, seier Rydland.

Fire frå utlandet
Den nye folkedanslinja har sju elevar. På lydstudiolinja går det 17 elevar. På musikklinja går det 22 elevar ? alle brass-folk utanom ein fløytist. I år er det berre ein av elevane som kjem frå Nordhordland. Dette varierer veldig år for år. I fjor kom 6 ? 7 av elevane frå Nordhordland, seier Rydland.

Elevane kjem frå heile Noreg. I tillegg er det to danskar, ei frå Orkenøyane og ei frå Russland. Ein del elevar på musikklinja spelar i ulike lokale brass band på fritida. Ei linje i folkemusikk kom ikkje i gang på grunn av for få søkjarar.

Kurs på sommaren
For å auka inntektene arbeider folkehøgskulen med å utvida kursverksemda på sommaren, blant anna er leirskuletilbod noko som vert vurdert. Dei kan og utnytta kompetansen på folkedanslinja til å gje kurs.
? For nokre tiår sidan var det mange i Nordhordland som ikkje visste kva eit brass band var for noko. Manger Folkehøgskule har vore sentral i det positive som har skjedd i korpsrørsla i regionen. Kanskje me på same måte kan medverka til eit tilsvarande løft for folkedans, håpar rektoren.