«For strengt å riva alt»

Den opphavelege hytta og kaien frå 1969 får stå. To anneks og ei flytebryggje må rivast.

Det er den endelege dommen frå Fylkesmannen, som ikkje kan ankast vidare.

Dersom eigarane ikkje godtek avgjerda, må dei anten gå til rettssak mot Lindås kommune eller prøva Sivilombodsmannen. Han kontrollerer forvaltninga og kan ta opp saker der folk vert utsette for feil behandling.

Ikkje sikker
Fylkesmannen meinte at ein ikkje kunne vera sikker på at hytta frå 1969 og kaia i si tid var ulovleg oppført.

Kommunen sine arkiv var ufullstendige for kva løyve som hadde vore gitt, går det fram av Fylkesmannen si oppsummering.

Kommunen gav i 1969 dispensasjon frå byggjeforbodet i dågjeldande strandlov for oppføring av hytta. Dette vedtaket vart påklaga, men ingen veit kva for utfall klagen fekk.

Kaien trengte ikkje dispensasjon frå strandlova. Det var elles uklårt om det i si tid vart søkt om byggjeløyve for hytta og sendt byggjemelding for kaien.

Ikkje følgd opp
Lindås kommue får og kritikk for manglande oppfølging.

Fylkesmannen peikar elles på at kommunen hadde vore klar over at det vart utført byggjearbeid på tomta.  Arbeidet var likevel ikkje følgd opp i medhald av det kontroll- og oppfølgingsansvaret kommunen hadde etter den gamle bygningslova av 1965.

Det var no gått kring 40 år sidan hytta vart ført opp, og eigedomen hadde også skifta eigar. På denne bakgrunnen meinte Fylkesmannen at det låg føre «særlige grunner» for å gi dispensasjon frå byggjeforbodet og LNF-føremålet i kommuneplanen sin arealdel no.

Les meir i papirutgåva av Strilen 18. oktober.