Foreldreprotest mot omorganisering

? Eg krev at naudsynte dokument om omorganiseringa vert sendt oss og andre samarbeidsutval og rådsorgan (m.a. FAU) i Lindås-skulane til formell høyring, og at me samstundes får ein fornuftig frist til å koma med tilbakemeldingar på denne, skriv Sveinung Toft på vegner av samarbeidsutvalet på skulen til rådmannen.
Høyringsfristen som rådmannen hadde sett i denne saka var kortare enn ei veke. Merknader skulle ha vore inne til i går klokka 15.00.

Færre rektorar
Strilen hadde laurdag eit oppslag om rådmann Øistein Søvik sitt framlegg om å redusera talet på rektorar og avdelingsleiarar i kommunen frå rundt 50 til 21. Framlegget betyr at det vert ein rektor i Alversund som før, og at barne- og ungdomsskulane i Knarvik, Lindås og Ostereidet frå ein rektor kvar. Seim, Skodvin og Festo får ein felles rektor. Det same får skulane Leiknes, Kløvheim, Eikanger og Myking.

Krev informasjon
Toft viser til opplæringslova, der det mellom anna står at samarbeidsutvalet har rett til å uttala seg i alle saker som gjeld skulen.
? Tilgjengeleg informasjon er etter mi vurdering ikkje tilstrekkeleg til å gje uttale. Med grunnlag i opplæringslova ber difor Samarbeidsutvalet ved Ostereidet om nærare informasjon frå Dykk om framlegget til ny leiarstruktur ved Ostereidet barneskule, og om kva konsekvensar dette har for barneskulen framover når det gjeld administrativ leiing, pedagogisk leiing, personalleiing og ressurssituasjon, heiter det i brevet.
Manger kyrkje vert
stengd i tre månader