Frå Alversund til knarvik

Det er sannsynleg at 8. klassane neste haust skal gå på Knarvik ungdomsskule», kunne Strilen i går fortelja til ein del av dagens sjuandeklassingar ved Alversund skule. ? Jippi! sa enkelte. ? Å, nei! sa andre. Ei avvikling av ungdomstrinnet ved den største skulen i kommunen er uansett den løysinga formannskapet vil gå i gang med. Av seks tilfeldig valde elevar i 7A var det fire som jubla for at det kan verta flytting: Linn Merethe Sætre, Sandra Flatøy, Marie Opedal og Martin Henriksen legg ikkje skjul på at dei svært gjerne byttar skule og startar på Knarvik ungdomsskule frå neste haust.

? Nei, me vil heller gå vidare i Alversund! seier mindretalet på to: Synnøva Takle og Kari Bjørge. Frå «JA-»-leiren vert det å koma i nye klasserom brukt som eitt argument for flytting. Ei av dei som seier nei, har kort veg til skulen i dag og synest det er greitt. ? Er det fleirtal i 7A for å flytta til Knarvik? ? Ja, trur dei seks som Strilen snakka med.

Men i B-klassen høyrest det ut til å vera litt meir skepsis. Lise Clementsen Syslak, Anniken Myking og Vilje Valland Nesse har i alle fall mest lyst til å halda fram på skulen i Alversund.
Då Strilen kontakta rektor Birger Tomasgard like før kl. 10.30 i går, var han ikkje informert om kva formannskapet hadde gått inn for dagen før.

? Det er litt bakvendt at ein skal verta orientert gjennom pressa. Men sidan eg ikkje er orientert, vert det berre dumt å kommetera, seier Tomasgard.
Når Strilen signaliserer at det er dagens 7. klassingar som neste haust kan hamna i Knavik, let rektor det skina gjennom at skulen i Alversund vil ha sans for ei slik løysing på dagens fortvila plassproblem».