Frå Austrheim til NBK

? NBK har dei siste åra vore nær ved å klara opprykk. Med si geografiske plassering høyrer klubben etter mi meining heime minst i 3. divisjon, seier Hæggernes.

Når treningane startar for fullt, ser han for seg minst tre økter for veka, kanskje fire. Dette skal avklarast med fotballstyret.

Den nye NBK-trenaren har bak seg tre sesongar som spelande trenar i Austrheim.

? Både frå deira og mi side låg det vel i korta at eg kom til å gje meg. Etter tre år kan det ofte vera naturleg med eit skifte, seier Hæggernes. Som tidlegare NBK-spelar i tre sesongar, kjenner Hæggernes godt til klubben han no går tilbake til. Han har også fått inntrykk av at han stod høgt på ønskjelista som ny trenar.

? Det er jo ein fordel. Me får sjå korleis det fungerer, seier Hæggernes. Han skreiv etter alle solemerke under for eitt år.

Før dei tre sesongane i NBK, spelte Hæggernes tre år i Vadmyra. Før det igjen spelte han 2. divisjon i Danmark.

Hæggernes er oppvaksen i Eivindvik. Seniorkarriera starta som 15-åring i Gulen Fotballklubb, som han også følgde nokre sesongar inn i samarbeidsklubben Duo, som vart danna saman med Masfjord.

? Vert du spelande trenar for NBK?

? Det står att å sjå. Eg kjem til å trena sjølv også, så det vil berre visa seg om eg held mål til ein plass på laget. Sjølv er eg nøydd til å vera i god fysisk form for å spela god fotball. Eg meiner eg held bra mål, men denne siste sesongen i Austrheim har vore nokså variabel for min eigen del.