Front mot front ved Eikanger

Dei to førarane var åleine i bilane, opplyser politiførstebetjent Svein Arne Hatlevik til Strilen ved ulukkesstaden. Den eine bilføraren vart sendt til sjukehus og den andre til legevakta for kontroll.
Tilstanden til den 19 år gamle mannen som vart sendt med luftambulanse var stabil, fekk Strilen opplyst frå Haukeland Universitetssjukehus i går ettermiddag. Det var snakk om lettare brotskadar og kveistingar, og mannen skulle opererast.
Den eine bilen som var involvert i ulukka, kom frå sør og den andre frå nord. Hatlevik seier at årsaka til ulukka truleg er ei forbikjøring. Ulukka skjedde i sjutida på morgonen. Luftambulansen tok den skadde med seg klokka 07.30. Vegen var sperra ei stund, men brannvernet fekk rydda vegen, slik at han vart opna igjen rundt klokka 07.45.